fbpx

Sýni

Fréttir

Óveður í kortunum – Sýni lokar kl 15 í dag !!

Í dag mánudaginn 7. desember munum við reyna að koma því svo fyrir að við getum lokað hjá okkur kl 15:00 vegna óveðurs sem spáð hefur verið. Við biðjum viðskiptavini okkar einnig að fylgjast með spánni fyrir morgundaginn og hérna á síðunni okkar til að sjá hvenær verður unnt að opna aftur á morgun en samkvæmt nýjustu spám mun óveðrið standa eitthvað framundir morgunn. Við munum að sjálfsögðu reyna að opna aftur eins snemma á morgun og óhætt er.

admin birti undir Fréttir
Engar athugasemdir

SWEDAC úttekt á prófunarstofu Sýni

Þann 7. október síðastliðinn fór fram reglubundin úttekt SWEDAC (Swedish Board for Accreditation and Conformity Assessment) á prófunarstofu okkar.  Stofan hefur verið með faggildingu síðan í byrjun árs 2000 og koma úttektaraðilar frá SWEDAC núna á átján mánaða fresti.

Úttektir utanaðkomandi aðila eru afar mikilvægar fyrir starfsemi okkar og oft fáum við mjög gagnlegar athugasemdir.  Eins og áður gekk úttektin mjög vel, fáar en gagnlegar athugasemdir voru gerðar og augljóst að starfsmenn prófunarstofu Rannsóknarþjónustunnar Sýni ehf kunna sitt fag.

Print

admin birti undir Fréttir
Engar athugasemdir

Ráðgjafar frá Sýni á Food Safety Europe ráðstefnu í Barcelona

Tveir af ráðgjöfum okkar hjá Sýni Þær Guðrún Adolfsdóttir og Valgerður Ásta Guðmundsdóttir eru nú staddar á ráðstefnunni Food Safety Europe 2015 í Barcelona sem haldin er af BRC og NSF. Á ráðstefnunni er m.a. fjallað um matvælaöryggi, rekjanleika, svik og misferli í matvælaiðnaði, pökkun og merkingar, hættumat, ofnæmi og fæðuöryggismenningu. Einnig er fjallað um helstu áhersluatriði varðandi öryggi matvæla á komandi árum.

Ráðstefnan sem er mjög fræðandi að mati þeirra Guðrúnar og Ástu er einnig frábært tækifæri til að hitta kollega sem eru að vinna við ráðgjöf og úttektir í matvælafyrirtækjum eins og við hjá Sýni. „Við höfum á þessum dögum náð að mynda mikilvæg tengsl sem við hlökkum  til að miðla með viðskiptavinum okkar“.

 

2015-10-15-gudrun-asta-barcelona

admin birti undir Fréttir
Engar athugasemdir

Fræðslu- og umræðufundur var haldinn hjá Sýni um löggjöf Tollabandalagsins varðandi útflutning matvæla til Rússlands, Hvíta-Rússlands og Kasakstans.

Þann 1. september s.l. stóð Sýni fyrir fræðslu- og umræðufundi um löggjöf Tollabandalagsins varðandi útflutning matvæla til Rússlands, Hvíta-Rússlands og Kasakstans.  Fundinn sóttu um 35 manns frá fjölda fyrirtækja í öllum greinum matvælaiðnaðar.

Ein af þeim athugasemdum sem fram komu í síðustu úttektum rússneskra eftirlitsmanna í íslenskum matvælafyrirtækjum var að framleiðendur þekktu ekki þá löggjöf sem gildir í Tollabandalaginu.  Í kjölfar þessa var ákveðið að ráðgjafar hjá Sýni myndu standa fyrir þessum fræðslu- og umræðufundi um löggjöfina og viðbrögð við helstu athugasemdum sem fram hafa komið í úttektum. Þátttakendum var síðan veitt staðfesting um þátttöku að fundi loknum.

Dóra S. Gunnarsdóttir fagsviðsstjóri hjá MAST var viðstödd fræðslufundinn sem fulltrúi frá Matvælastofnun til að svara þeim spurningum sem upp komu hjá þátttakendum.

Efni fundarins:

  • Farið var yfir hvaða reglugerðir gilda um innflutning í Tollabandalaginu fyrir matvæli úr dýraríkinu
  • Helstu kröfur sem þarf að hafa í huga þegar verið er að flytja matvæli til Tollabandalagsins
  • Farið var yfir úttektalista frá MAST
  • Farið var yfir helstu athugasemdir sem gerðar hafa verið í heimsóknum rússneskra úttektaaðila
  • Sýnatökuáætlanir fyrir kjöt og fisk
  • Úrbótaáætlanir
  • Umræður

 

IMG_0685

admin birti undir Fréttir
Engar athugasemdir
Close
loading...