fbpx

Sýni

Fréttir

Það er bara alveg að koma að þessu.

Jæja nú er bara alveg að koma að þessu. Sumarið handan við hornið með brakandi blíðu og blóm í haga.

Við hjá Rannsóknarþjónustunni Sýni og Matvælaskólanum hjá Sýni óskum viðskiptavinum okkar og ykkur öllum gleðilegs sumars.

Gleðilegt sumar

 

summer-hat

admin birti undir Fréttir
Engar athugasemdir

Gleðilega Páska

Við hjá Rannsóknarþjónustunni Sýni og Matvælaskólanum hjá Sýni óskum viðskiptavinum okkar öllum gleðilegra Páska og vonum að þið njótið Páskahátíðarinnar sem allra best.

 

easter_eggs_8

admin birti undir Fréttir
Engar athugasemdir

Starfsfólk Sýni á námskeiði um vinnuvernd.

Þann 9. mars var haldið námskeið um vinnuverd hjá okkur í Sýni. Valgerður Ásta fór þar yfir öryggis og heilbrigiðismál á vinnustöðum. Hún fór á fróðlegan og áhugaverðan hátt yfir efni um öryggis og heilbrigðisáætlun, þau lög og reglur sem gilda um vinnuvernd og yfir áhættuþætti á vinnustaðnum.  Ánægjulegt var að sjá hversu vel Sýni stendur sig varðandi öryggis- og heilbrigðisáætlunina. Þar voru útlistuð nokkur dæmi um fræðslu og forvarnarstarf sem fyrirtæki geta notað. Meðal annars námskeið og fyrirlestra um skyndhjálp og öryggismál, heilsufarsmælingar og bólusetningar, allt hlutir sem Sýni hefur nú þegar gert. Einnig var bent á að fyrirtæki ættu að stuðla að betri heilsu starfsmanna með þátttöku í heilsuátökum eins og Lífshlaupinu og Hjólað í vinnuna. Sýni stendur sig einnig vel í þessu eins og góð þáttaka í Lífslhaupinu gaf til kynna nú í vetur. Næstu skref í öryggismálum hjá Sýni eru svo kosning öryggistrúnaðarmanns og skipun öryggisvarðar. Þessir tveir aðilar munu sitja í öryggisnefnd sem mun huga að forvörnum um slys og atvinnusjúkdóma, tilkynna vinnuslys og fylgjast með að reglum fyrirtækisins um öryggismál sé fylgt.

 

Emplymnt_Ch5_Pt4_Occupational_Health_and_Safety

admin birti undir Fréttir
Engar athugasemdir

Merkingar matvæla – Dankost

Við hjá Rannsóknarþjónustunni Sýni höfum í gegnum árin þjónustað fjölda matvælafyrirtækja við merkingar á vörum sínum eftir þeim lögum og reglugerðum sem gilda um merkingar matvæla. Gerð innihaldslýsinga, útreikningar á næringargildi og umbúðamerkingar almennt  eru helstu verkefnin.

Með tilkomu nýrrar reglugerðar Evrópusambandsins (EB) nr.1169/2011 um matvælaupplýsingar sem tók gildi 13. desember 2014 munu kröfurnar aukast enn frekar.  (Vegna seinni gildistöku reglugerðarinnar hér á landi er gefinn frestur til 13. maí 2015 fyrir vörur á íslenskum markaði. Sjá bráðabirgðaákvæði í lok reglugerðar nr. 1294/2014.)

Til þess að þjónusta viðskiptavini okkar sem allra best höfum við nú tekið í notkun forrit sem kallast Dankost Pro sem er hugbúnaður þróaður af danska fyrirtækinu Dankost. Fyrirtækið hefur yfir 20 ára reynslu í að þróa hugbúnað til notkunar við matvælaframleiðslu. Forrit þetta inniheldur upplýsingar um næringargildi matvæla sem eru m.a. fengnar úr danska gagnagrunninum Födevaredatabanken, ameríska grunninum USDA (National Nutrient Database for Standard Reference) og ÍSGEM (íslenski gagnagrunnurinn um efnainnihald matvæla). Í Dankost er einnig hægt að útbúa innihaldslýsingar og útbúa data-/ vörulýsingablöð allt eftir óskum viðskiptavinarins.

Allar nánari upplýsingar er hægt að fá hjá ráðgjöfum okkar í síma 512-3380

 

IFT-and-FAO-agree-to-form-food-safety-partnership_strict_xxl

admin birti undir Fréttir
Engar athugasemdir

Námskeið um merkingar matvæla

Námskeiðið „Merkingar matvæla“ er haldið þessa dagana hjá okkur í Matvælaskólanum hjá Sýni. Námskeiðið er fyrir alla þá sem koma að merkingum matvæla á einn eða annan hátt og fer fram í formi fyrirlestra og verkefnavinnu og er 2×4 klukkustundir.

Með tilkomu reglugerðar Evrópusambandsins (EB) nr.1169/2011 um matvælaupplýsingar sem tók gildi 13. desember 2014 hafa kröfur um umbúðamerkingar aukist enn frekar.  Auk þess eru neytendur að verða meðvitaðri um innihald matvara og gera því meiri kröfur en áður t.d. hvað varðar innihaldslýsingar, næringargildi, merkingar á ofnæmisvöldum og notkun skráargatsins. Námskeiðið á að veita greinagóðar upplýsingar um allt er viðkemur nýjum reglum um matvælaupplýsingar.

Nánari upplýsingar um efni námskeiðsins má finna hér. 

Áætlað er að halda næsta námskeið „Merkingar matvæla“ í lok apríl. Nánari dagsetning verður auglýst síðar.

shutterstock_118451380

admin birti undir Fréttir
Engar athugasemdir
Close
loading...