fbpx

Sýni

Fréttir

Námskeið – Sannprófanir – Innri úttektir

Námskeiðið Sannprófanir – Innri úttektir verður haldið dagana 27. mars og 3. apríl n.k. 

Á námskeiðinu verður rætt um innri úttektir í víðu samhengi, hvernig áætlun um innri úttektir er gerð, hvernig sannprófun á virkni forvarna og HACCP kerfis er framkvæmd, mismunandi aðferðir til sannprófunar, hvernig best er að tryggja að úrbætur séu gerðar og hvernig þeim er fylgt eftir.

Lögð verður áhersla á verkefnavinnu þar sem þátttakendur geta m.a. komið með skjöl úr eigin gæðakerfi og unnið með þau undir leiðsögn fyrirlesara. Með því móti geta þátttakendur hámarkað skilvirkni og árangur námskeiðsins.

Á námskeiðinu verður farið í m.a. eftirfarandi atriði:

  • Úttektaráætlun
  • Sannprófun, innri úttektir – aðferðafræði
  •         Hvernig virkar gæðakerfið frá degi til dags? Eru forvarnir virkar?
  •         Hvernig virkar gæðakerfið í heild sinni – árleg sannprófun
  • Undirbúningur og framkvæmd úttetka – gerð og notkun gátlista
  • Undirbúningur og framkvæmd sannprófunar
  • Sýnatökur, prófanir, kvarðanir
  • Niðurstöður, úrbætur og eftirfylgni

Tími námskeiðs:

27. mars, 2017 kl. 08:30 – 12:30 og

3. apríl, 2017 kl. 08:30 – 10:30

Staður: Matvælaskólinn hjá Sýni, Lynghálsi 3, 110 Reykjavík

Verð: 37.500 kr.- *

Skráning

admin birti undir Fréttir
Engar athugasemdir

Námskeið í veganisma fyrir byrjendur í mars

Fyrstu námskeiðin gengu vonum framar og fengum við frábærar umsagnir frá nemendum, sjá neðar.

Flestir voru að koma til þess að auka þekkingu sínu á grænkerafræðum og læra að elda einfalda grænmetisrétti.

Fæstir ætluðu sér að gerast 100% vegan en markmið flestra var að minnka umhverfisspor sitt með því að auka neyslu sína á ljúffengum grænmetisréttum.

Næsta námskeið verður þriðjudaginn 7. mars kl.18 í Matvælaskóla Sýnis, Lynghálsi 3.

Skráning hér

Umsagnir nemenda:

„Mjög góður matur, kom mér á óvart hvað það er auðvelt að elda vegan. Frábærir kennarar.“

„Frábært! Einfaldir og idiot-proof réttir og efni með heim til að halda áfram að prófa. Myndi mæta á framhaldsnámskeið.“

„Virkilega skemmtilegt og fræðandi námskeið. Kom virkilega á óvart hvað hægt er að gera góðan en einfaldan mat með lítilli fyrirhöfn. Skemmtilegir kennarar.“

„Ótrúlega skemmtilegt, opnar augun fyrir fjölbreytileika vegan-fæðis. Yndislega bragðgóður og bragðmikill fyllandi matur.“

„Frábært námskeið. Einfalt, fróðlegt og skemmtilegt.“

„Líflegt, skemmtileg og spennandi. Maturinn mjög góður.“

„Frábært! Eldaðir einfaldir, bragðmiklir og einstaklega bragðgóðir réttir á örstuttum tíma. Allt smakkaðist svakalega vel. Skemmtilegir kennarar sem gerðu þetta auðvelt.“

„Mjög áhugavert. Vel skipulagt, vel útskýrt, fjölbreyttir réttir og heimilislegt að borða öll saman.“

 

admin birti undir Fréttir
Engar athugasemdir

Námskeið í veganisma fyrir byrjendur hjá Matvælaskólanum

Matvælaskólinn hjá Sýni heldur tvö námskeið í veganisma 6. og 8. febrúar n.k. sem er tilvalið fyrir þá sem eru að stíga sín fyrstu skref sem grænkerar eða þá sem vilja einfaldlega fræðast nánar um hvað veganismi er.

Námskeiðið hefst á fyrirlestri þar sem farið er yfir það hvað felst í því að vera vegan og varpað verður ljósi á hvers vegna sífellt fleiri kjósa að draga úr neyslu dýraafurða eða sniðganga þær alveg.  Að fyrirlestri loknum verður haldið í kennslueldhúsið þar sem þátttakendur munu taka þátt í að elda vegan heimilismat og sjá og upplifa að það er hvorki flókið né einhæft að elda grænmetisrétti.

Nánari upplýsingar og skráning

 

admin birti undir Fréttir
Engar athugasemdir

Námskeið – Vor 2017

Áhugaverð námskeið verða í boði hjá Matvælaskólanum hjá Sýni nú á vorönn. Skráning er hafin á öll námskeiðin.  

18.-20. janúar               HACCP 3 – Gæði og öryggi alla leið
15.-17. febrúar              HACCP 3 – Gæði og öryggi alla leið – Akureyri
6.- 8. og 13. mars         HACCP 4
22. mars                       BRC staðallinn – kröfur – úttektir
27. mars og 3. apríl      Sannpróun – Innri úttektir
25. apríl                        Örverufræði matvæla

Námskeið sem eiga eftir að bætast við og verða haldin ef næg þátttaka næst:
HACCP 3 – Gæði og öryggi alla leið – enska
Merkingar matvæla

admin birti undir Fréttir
Engar athugasemdir
Close
loading...