fbpx

Sýni

Eftirréttir

Plómu kaka

Þessa fengum við með kaffinu um daginn og var hún alveg yndislega góð.  Væri góð sem eftirréttur líka.

Innihald:

85 g smjör, ósaltað, og smá auka til að smyrja formið

10-12 plómur, skornar í tvennt og steinninn tekinn úr

390 g sykur

2 egg, mjög stór

75 ml sýrður rjómi

1/2 tsk sítrónubörkur, rifinn

1/2 tsk vanillukjarni

1/2 tsk lyftiduft

1/4 tsk salt

flórsykur

Aðferð:

  1. Hitið ofninn í 180°C. Smyrjið 23 cm eldfast mót vel með smjöri og raðið plómunum í mótið (skurðurinn niður)
  2. Setjið 220 g af sykri og 80 ml af vatni í lítinn pott og hitið upp við háan hita þar til sykurinn verður gulbrúnn. Snúið pottinum létt en hrærið ekki. Hellið jafnt yfir plómurnar.
  3. Þeytið saman 85 g af smjöri og 170 g af sykrinum þar til blandan verður létt og loftkennd. Minnkið hraðan á þeytaranum og bætið eggjunum útí, einu í einu. Bætið sýrða rjómanum, sítrónuberkinum og vanillunni og blandið vel saman.
  4. Sigtið saman hveitið, lyftiduftið og saltið. Bætið þurrefnablöndunni rólega útí smjörblönduna og blandið saman (ekki hræra of mikið). Hellið deiginu jafnt yfir plómurnar.
  5. Bakið í 30-40 mínútur eða þar til deigið er bakað. Kælið í 15 mínútur. Hvolfið kökunni á flata plötu. Berið kökuna fram volga með flórsykri stráðum yfir.

ig0810_plumcake_lg

Engar athugasemdir

Skyrfrauð

Lýsing:

Úr matreiðslubókinni Af bestu lyst 2.
Fyrir 6.

Innihald:

250 g hreint skyr
3 egg
50 g sykur
1 tsk vanillusykur
2 tsk sítrónubörkur
eða 1 msk líkjör
Fullt af ferskum ávöxtum og berjum eftir eigin smekk

Aðferð:

Stífþeytið eggjahvíturnar. Bætið sykri og vanillusykri hægt saman við. Þeytið svo eggjarauðurnar saman við skyrið og blandið sítrónuberki eða líkjör saman við. Báðum blöndum er loks hrært varlega saman með sleif og blandan sett í eldfast mót. Bakað við 180°C í 20-25 mínútur.

Engar athugasemdir

Skyr með bönunum

Innihald:

2 stórir bananar
Sítrónusafi
2 msk möndluspænir
1 msk hunang
250 g hreint skyr
Rifinn börkur af einni sítrónu
4 msk léttmjólk (spari má nota kaffirjóma)
1-2 msk flórsykur
1-2 tsk kanil

Aðferð:

Bananarnir skornir í sneiðar og sítrónusafi kreistur yfir til að koma í veg fyrir brúnun. Skipt niður á 4 diska, möndlum og hunangi stráð yfir.
Skyrið er hrært með mjólkinni, sítrónuberki, flórsykri og kanil. Skyrinu skipt niður á diskana. Kanil stráð yfir til skrauts.

Engar athugasemdir

Kryddperur

Lýsing:

Fyrir 6.

Innihald:

6 stórar eða 12 litlar perur
1 vanillustöng
2 cm ferkst engifer
1 l vatn
2 dl sykur
Safi úr ½ sítrónu
¼ g saffran

Aðferð:

Vatnið er sett í pott og sykri, vanillustöng, engifer í þunnum sneiðum, sítrónusafa og saffrani bætt út í. Látið sjóða í opnum potti í ca. 3 mínútur.
Perurnar eru skrældar og bætt út í pottinn. Látið krauma við vægan hita í 20-25 mínútur. Látið kólna. Borið fram með vanillluskyri, -jógúrt eða ís og jafnvel smá kökubita.

Engar athugasemdir

Hnetujógúrt Shrikhand

Lýsing:

Indverskur yndisréttur fyrir 6-8.

Innihald:

4 litlar dósir hrein jógúrt
– eða 500 g skyr
1 dl pistasíur, hakkaðar
– eða 1 dl hakkaðar möndlur
2-3 tsk kardimommufræ/krydd
1,5 dl flórsykur

Aðferð:

Látið renna af jógúrtinni í gegnum kaffipoka eða hreinan klút þar til áferðin verður þykk. Einnig er hugsanlegt að nota skyr en það gefur aðeins annað bragð. Hneturnar eru hakkaðar og kardimommurnar steyttar í mortél (eða kryddið tekið beint úr hillunni). Hrærið sykrinum saman við jógúrtina og blandið svo hnetum og kardimommum saman við, en skiljið örlítið eftir til að skreyta. Skipt niður í lítil glös og kælt áður en borið fram.

Engar athugasemdir
Close
loading...