Lýsing:
Ég fékk þetta salat með grillkjöti í útilegu um helgina og skyggði það algjörlega á grillkjötið, sem er ekki skrítið þegar maður er búinn að borða yfir sig af grillmat í sumar. Ég held að einfaldara og fljótlegra salat sé varla til. Allavega ekki miðað við hollustu og þá frábæru veislu sem það er fyrir bragðlaukana.

Frábærlega ferskt og svalandi með grillkjötinu, ja eða bara hverju sem er.

Innihald:
Fullt af fersku spínati
Appelsínur að vild, í bitum
Mangó að vild, í bitum

Aðferð:
Blanda öllu saman, og njóta að borða.

Lýsing:
Matarmikið salat með fullt af spennandi hráefnum.

Innihald:

4 soðnar kartöflur skornar í fernt
3 harðsoðin egg í bátum
1 krukka niðursoðinn túnfiskur
baunir (annaðhvort léttsoðnar harricot baunir eða frosnar grænar baunir)
3 tómatar
½ agúrka (taka kjarnann úr)
10 ólífur
ansjósur og capers eftir smekk
ferskt basil
grænt salat

Frönsk salatsósa
3 msk olífuolía
1 msk dijon sinnep
1 msk rauðvíns-eða hvítvínsedik
salt og pipar eftir smekk

Aðferð:
Byrjið á því að setja græna salatið á disk og dreifið svo öllu hinu fallega hráefni ofan á salatið.
Dressingin er sett síðust yfir og skreytt með basil.

Gott að hafa franskt brauð með

Lýsing:
Frábært salat með grilluðu eggaldin.

Innihald:
Olía
1 rauðlaukur saxaður smátt
2 eggaldin í þunnum sneiðum
1 dós kjúklingabaunir
söxuð kóríanderlauf

Dressing:
4 msk olía
Safi úr einni sítrónu
1 tsk hunang
1 tsk cumin
1 tsk paprika

Aðferð:
Byrjið á því að ná beiskjunni úr eggaldininu með því að salta það.
Skerið síðan í hæfilega þunnar sneiðar

Grillið eggaldin á báðum hliðum eftir að búið er að pensla með olíu og krydda með salti og pipar. Skerið sneiðarnar í fjóra hluta.

Setjið saman eggaldin, kjúklingabaunir, rauðlauk og kóríander.

Blandið öllu sem á að fara í dressinguna og hellið henni yfir salatið.

Lýsing:
Ótrúlega gott salat sem hefur notið mikilla vinsælda á „Hvað er í matinn?“ námskeiðunum hjá okkur.
Hentar mjög vel sem góður forréttur eða bara sem hin besta máltíð.

Innihald:
1 rauðlaukur í sneiðum
½ bolli rauðvínsedik
Allskonar salattegundir
½ bolli ristaðar furuhnetur
3 vorlaukar í þunnum sneiðum
Parmesanostur í þunnum sneiðum
Parmaksinka
Fersk basil og steinselja

Heit dressing:

8 Hvítlauksrif í teningum
2/3 bolli ólífuolía
3-6 tsk. balsamic edik
3 msk. rauðvínsedik
1 msk púðursykur
salt og pipar eftir smekk

Aðferð:
Marínerið rauðlaukinn í rauðvínsedikinu til að taka beiskjuna úr honum meðan annað er útbúið.
Skerið salatið niður í hæfilega bita. Setjið salatið í stóra skál, ásamt helmingnum af furuhnetunum, vorlauknum, helmingnum af ostinum, helmingnum af skinkunni og öllum kryddjurtunum. Setjið á fallegt fat.

Látið hvítlaukinn krauma í ólífuolíunni við lágan hita í um 5-10 mín. Takið hvítlaukinn úr, látið aðeins kólna og setjið edikið því næst út í (varlega!!). Sjóðið í smá tíma. Bætið púðursykri við og látið krauma rólega í 1 mínútu. Bætið við balsamic ediki og púðursykri eftir smekk. Bætið hvítlauknum við og kryddið með salti og pipar.

Setjið rauðlaukshringina yfir salatið ásamt restinni af ostinum og skinkunni. Dreypið heitri dressingunni yfir og berið fram.

Lýsing:
Þetta er bragðmikið (ekki svo sterkt) salat, með avocado, tómötum og líme, sem passar mjög vel með grilluðu kjöti

Innihald:
1 bolli laukur, saxaður
1 bolli tómatar, saxaður
1/2 chili pipar, smátt saxaður
1/4 bolli ferskt kóríander
safi úr tveimur lime (súraldin)
salt og pipar eftir smekk
2 hvítlauksgeirar, saxaðir
1 lárpera (avocado)

Aðferð:
Blandið öllu saman. Kælið í a.m.k. 25 mínútur og berið fram með kjöti.