Um Sýni

Sýni er þjónustufyrirtæki sem býður upp á heildarlausnir fyrir matvælafyrirtæki ásamt því að þjónusta mörg önnur fyrirtæki með ráðgjöf í gæðamálum og mælingum. Ráðgjöf, námskeið og fræðsla er í höndum sérfræðinga okkar í ráðgjafateymi Sýnis.

Sýni starfrækir prófunarstofu á tveimur starfsstöðvum, í Kópavogi og á Akureyri. Þar eru gerðar örveru- og efnaprófanir á matvælum, vatni og umhverfissýnum.

Einkunnarorð Sýnis matvælaöryggi alla leið vísa til þess að Sýni
býður upp á heildarlausnir til þess að tryggja matvælaöryggi eins vel og kostur
gefst hvar sem er í keðjunni.

Heildarlausnir:

• Ráðgjöf og fræðsla: Uppsetning og uppfærslur á gæðahandbókum, viðhald innra eftirlits, merkingar matvæla, hreinlætiseftirlit, þjálfun og fræðsla fyrir starfsfólk.
• Örverumælingar: T.d. vegna mats á ferskleika, sjúkdómsvaldandi örverur, áætla geymsluþol, meta hreinlæti í vinnsluumhverfi.
• Efnamælingar: Gæðakröfur, geymsluþol, næringargildi, mat gæðum hráefna og afurða og frárennslismælingar.
• Úttektir á gæðakerfum: BRC, IFFO RS, RFM og MSC í samstarfi við alþjóðlegu vottunarfyrirtækin Sai Global og NSF.
• Úttektir: Hreinlætisúttektir, vörumerkingar, framleiðsluvörur, farmúttektir.
• Vöruþróun og meðferð matvæla: Aðstoð við úrlausn tæknilegra vandamála, geymsluþol, nýting o.fl..
• Umhverfismál: Sýnatökur og mælingar á frárennsli og útblæstri, ráðgjöf í samstarfi við Verkís.
• Námskeið: Fjölbreytt námskrá um flest sem við kemur gæðum, öryggi  og matvælum.

Hjá Sýni starfar faglært fólk með háskólapróf í matvælafræði, efnafræði, sjávarútvegsfræði, næringarfræði, líffræði og líftækni svo eitthvað sé nefnt.  Í ráðgjöfinni sameinast þekkingin svo allri þeirri reynslu sem byggst hefur upp í fyrirtækinu á þeim 30 árum sem það hefur starfað.

Sýni starfrækir einu einkareknu prófunarstofurnar á þessu sviði sem fengið hafa faggildingu skv. IST EN ISO/IEC 17025 staðlinum fyrir algengustu efna- og örveruprófanir.