Mánudaginn 14. mars n.k. verður haldinn fræðslu- og umræðufundur um útflutning á kjöti og kjötafurðum til Rússlands, Hvíta-Rússlands, Kasakstans, Kirgistans og Armeníu (e. Eurasian Economic Union – EAEU).
Valgerður Lilja Jónsdóttir ráðgjafi hjá Sýni ehf. mun vera með fyrirlestur samkvæmt lýsingu hér að neðan.
Jón Ágúst Gunnlaugsson fagsviðsstjóri hjá Matvælastofnun mun vera með innlegg á fræðslufundinum og svara spurningum sem upp kunna að koma.
Gefin verður út staðfesting á þátttöku að fundinum loknum.
Síðasti dagur skráningar er 10. mars 2022
Efni fundarins:
- Farið yfir hvaða reglugerðir gilda um innflutning á kjöti og kjötafurðum til aðila í Tollabandalaginu
- Helstu kröfur sem þarf að hafa í huga þegar verið er að flytja kjöt og kjötafurðir til Tollabandalagsins
- Farið yfir úttektarlista frá MAST
- Farið yfir helstu athugasemdir sem gerðar hafa verið í heimsóknum rússneskra úttektaraðila
- Sýnatökuáætlanir fyrir kjötafurðir
- Úrbótaáætlanir
- Umræður
Tími: 14. mars 2022, kl 9:00 – 12:00
Staður: Matvælaskólinn hjá Sýni, Víkurhvarf 3, 203 Kópavogur og/eða Teams
Verð: 42.000 kr.- *
- Innifalið í verði eru námskeiðsgögn, (léttar veitingar)
- Munið eftir styrkjunum úr fræðslusjóðum verkalýðsfélaganna!!
* Tilkynna þarf forföll a.m.k. 2 virkum dögum fyrir námskeið á netfangið matvaelaskolinn@syni.is. Berist afskráning of seint eða alls ekki áskilur Sýni sér rétt til að innheimta námskeiðsgjöld að fullu. Ef ekki næst lágmarks þátttaka á námskeiðið áskilur Matvælaskólinn sér þann rétt að fresta eða aflýsa námskeiðinu með minnst sólarhrings fyrirvara.