Um er að ræða tvær tegundir af u.þ.b. 2 klst. námskeiðum. Annars vegar sem hentar t.a.m. vel fyrir nýliða í matvælafyrirtækjum, mötuneytum, stóreldhúsum og veitingahúsum. Hins vegar sem hentar vel fyrir nýliða í fiskvinnslum og tengdri starfsemi.
Námskeiðið fer alfarið fram rafrænt í gegnum kennsluforritið Learncove.
Námskeiðinu er skipt upp í átta hluta. Hver hluti inniheldur myndbandsfyrirlestur og stutt verkefni sem nemandi þarf að leysa til þess að komast áfram í næsta hluta námskeiðsins. Fyrirlestrarnir eru hver u.þ.b. 7-12 mín. að lengd.
Innifalið í námskeiðsgjaldi er aðgangur að námskeiðinu í sex mánuði. Nemendur geta þannig farið í gegnum námskeiðið á þeim hraða sem hentar hverjum og einum. Hægt er að horfa, hlusta og taka námskeiðið hvar og hvenær sem er og eins oft og viðkomandi kýs.
Námskeiðin eru bæði aðgengileg á íslensku og ensku.
Efni námskeiðsins:
- Stutt kynning á HACCP.
- Örverufræði – hegðun og útbreiðsla örvera – matarsjúkdómar og skemmdar örverur.
- Persónulegt hreinlæti – vinnufatnaður og handþvottur.
- Hreinlæti og þrif – þrifaáætlanir, þrifaskráningar og sýnataka.
- Samvinna, ábyrgð og traust.
Verð 23.900 kr.
Innifalið er aðgangur að námskeiðinu í sex mánuði.
Sérstök afsláttarkjör fyrir fjöldaskráningar (10+ einstaklinga).
Varðandi fyrirspurnir og fjöldaskráningar, vinsamlegast sendið erindi á netfangið namskeid@syni.is.