Óvissa er metin í öllum faggildum aðferðum prófunarstofunnar
Öllum niðurstöðum mælinga fylgir mælióvissa. Óvissa getur skipt máli þegar verið er að meta hvort að niðurstöður uppfylli ákveðin skilyrði samkvæmt leiðbeiningum, viðmiðunarmörkum eða forskriftum.
Mælióvissa aðferða er ákvörðuð með tölfræðilegri vissu upp á 95 %. Bæði kerfisbundin og tilviljunarkennd óvissa aðferðarinnar er innifalin í mælióvissu. Mælióvissa getur verið mjög mismunandi eftir því hvaða mæliaðferð er notuð.
Ef niðurstöður prófana eru notaðar til að framkvæma samanburð t.d. við reglugerðir, skal beita ákvörðunarreglu fyrir niðurstöður nálægt viðmiðunarmörkum þar sem tilgreint er hvernig taka skuli tillit til aukinnar mælióvissu aðferðar.
Óvissa í einstökum sýnum/sýnagerðum
Hægt er að biðja um útreikninga á óvissu einstakra örverusýnaniðurstaðna eða í ákveðnum sýnagerðum miðað við 95% öryggismörk. Vinsamlegast sendið viðkomandi deild þá fyrirspurn í formunum hér til hliðar.
Prósenta óvissu í efnagreiningum má sjá á viðkomandi skýrslum og einnig í lista yfir faggildar efnagreiningaaðferðir hér á heimasíðunni: Efnagreiningar
Ákvörðunarregla:
Ákvörðunarreglan lýsir því hvernig Sýni greinir frá mælióvissu niðurstaðna þegar niðurstöður eru gefnar upp með tilvísun í lög, reglugerðir og/eða viðeigandi staðal með fyrirfram ákveðnum greiningarmörkum sem tilgreina hvort að sýni hefur staðist eða fallið miðað við kröfur. Meta þarf niðurstöður í samræmi við þetta.
Sýni beitir „Binary“ ákvörðunarreglum sem lýst er í „Leiðbeiningar um ákvörðunarreglur og samræmisyfirlýsingar“ ILAC-G8:09/2019
Í öllum öðrum tilvikum, þar sem ekki er vísað í lög, reglugerðir eða staðla, eru niðurstöður settar fram án tillits til mælióvissu.
